يا عشگ الحوازيه
*
گالوا من قدیم ایام
اوسنوا من الف،
میة او عام
عشگ الحره عیب او عار
بنت العرب من اتحب
دمها ایحل علی الخوان،
کل الاهل والاعمام
مهدوره الدماء الی تنزه العرض والناموس
عشگ الحره چلمه
انمحت م القاموس
جابتنه او خذتنه اعوام
تهددنه اابذبح واسجون....
اومن دشت السلف انحرم کل مجنون
ای یم سلمه...
کل هذا او حچی العذال
تخطینه الگلت والگال
رغما عالتشمت بالولی ابدیوان
صاح ابصوت من تعشگ حرمته امکسر الفنیان
چثیر اقیود کسرنه
او تاسینه ابعشگ لیله وجمیله اشهور
و اسنین ابهوی الدلال اغرمنه
قطعنه ادروب وابسیر الهوی سرنه
او تباهینه ابعشگنه البلگب مسجون
گضّینه العمر امگالب اویا اللوم
یاما اللیال جرح العیب، والشمات ضمدنه
و سکّتنه الویع بسکوت وبجرّات ونتنه
او شلّینه الفتگ بخیوط
لا...............بحبال حرگتنه
تحدّینه السنان؛
اسهام واسیوف العده ابشگفات عگبتنه
تراسلنه ور ا لشباک من بین السلاسل عالوعد احنه
اوهتفنه بصوت عالی ایطرّ ش الاذان
غصب عل یرضه والمایر ضه عن حبنه
هویناها ..........هویناها
اونهب لو حل علیها ازماط ننهبها
ای یعجمی من حگنها
و خل الواشی والنمام
یخبر کل عذول ومغرض ابخطین
وایسمّع گرابتنه
للمحبوبه ارض احواز
کلما ضحت الحره
سهل و ایهون
های اول رسالتنه
***های انه البرانی الضیم
ای یسهیر های انه
او خلانی الهوی من اسنین
ریشه ابطرف جنحانه
خلیه الحچه والما حچه باللوم
سدیت الگلب من
صوب لوامه
شترید العروسة احواز
إخبريني!
وشتطلب علی؟........
نیشان؟
اوگف للتفگ نیشان
و اشتامر علی مخضوبة الکفین
اسوار ابحجر یاقوت
من المحمره صیاغه
خل لیلو(*) الفلاحیة علی ایناق الجمیلة الیوم یتلاله
وشیطلب علی کارون؟
الف كارون
لسگی ابدمی شریانه
و تدلل علی الکرخة خلیها
گدر ما تشتهی یفلان
خل تطلب علی العیون
اگمط الها الجفن عالعین
واسهام الرمش عالضفه صوانه
و شتطلب علي امكحله العينين ؟
هلهلوله لصیرن عند الکحیلات
اتلملم لحم ذرعان
اشیلنهاعلي الزندین
بالهامات اخلی المهره عثرانه
اشتامر علی شتگول الکحیلة
تچایه اوشچیه حال؟
عظمی امن الرکب تتعكزه اعکازه
و الها اكتب علي اشراع الصدر عنوان
تعذرنی الحبیبة اعلی العرض
صیوان
صیوان العرض تتوسد افیایه
ای یا ناس
موش احساس
قطع انفاس
عشگ عذری
غزو يغزي
یبوگ العگل من الراس
یا حب الحواز ایسودن او یسبی
ویا عشگ الحوازیة چذب یجفی
چذب يجفي
إمرأة أحوازیة
لیلو: من انواع التمرفی الفلاحیه *
No comments:
Post a Comment